Meqamat

Herîrî di pirtûka xwe ya bi nave el-Maqamat de, li ser navê lehengê pirtûkê Ebu Zeyd es-Surucî bal kişandiye ser bi dehan kesayetî û karakterên di nav jiyana rojane de derdikevin hemberî mirov. Nivîskar bi awayekî gelekî serkeftî karîbûye hemû karakteran di kesayetiya Ebu Zeyd de bîne hinda hevûdu. Pirtûk ji nivîsên pexşan û helbestê pêk tê. Lê di nivîsên pexşan de jî hunera secî bi kar aniye û bi uslûbeke gelek herikbar hatiye nivîsandin. El-Meqamat bi gelek zimanên dinyayê hatiye wergerandin. Pirtûk bi zimanê Erebî ye. Muftî Mela Ehmed Meylanî jî wergerandiye Kurdî. A rast dema ku mirov wergera Meqamatê dixwîne, zû bi zû tê dernaxe ku ka gelo ev orjînala pirtûkê ya yan werger e.