Melanasî Melayê Cizîrî Û Mîrasa Wî

Name: Melanasî Melayê Cizîrî Û Mîrasa Wî
ISBN: 9786256963788

PEYWEND

ISBN: 9786256963788

Okuma Durumu

Kitap Hakkında

Melayê Cizîrî digel şairtiya xwe di şecaet û wêrekiyê de jî dersek dide me û jixwebaweriya me ya wendabûyî cardin dihêne bîra me ku bêtirs qiyasa xwe bi giregirên şi’rê re dike. Çimku dizane ku di iqlîmê suxen de mîr, di şi‘rê de cihangîr ew e. Lewma jî Mela ji bo ku fesahet û belaxeta xwe nîşan bide ji şairên Şîrazê meydan xwestiye çi Hafizê Şîrazî çi Se‘dîyê Şîrazî çi jî Celalê Tebîb ê Şîrazî… Piştî vê yekê di me de ev fikir hasil bû ku şiara vê xebatê diviya ev beyta meşhûr biba ku wiha ye; Ger lu’lu’ê mensûr ji nezmê tu dixwazî Wer şi‘rê Melê bîn te bi Şîrazî çi hacet Belê, ev pirtûk li ser Melayê Cizîrî û Mîrasa wî ava bûye ku bi nêrîneke akademîk ji bîst û şeş nivîsaran pêk hatiye. Ji van nivîsaran her yekê, helbestên Melayê Cizîrî li gorî pîvanên edebiyat, dîrok, zimannasî, antropolojî û sosyolojiyê analîz kirine. Her nivîsareke vê berhemê ji pencerekeyeke din ve li hunera Mela nihêriye û nirxandiye ku ew nivîsar ji bo ragirtin, veguhestin û gerandina mîrasa Melayê Cizîrî cihekî muhîm digirin. Me bi van nivîsaran xwest ku perdeya li ser helbestên Melê bidine aliyekî û dîmena efsûnî ya pişt vê perdê piçekî bibînin. Em hêvî dikin ku ev xebata li ber destê we lîteratura Melayê Cizirî ya heyî gavekî pêş de bibe, nîqaş û nêrînên nû derbixîne û ji bo xebatên nû bibe çavkaniyeke baş.