Evina Pinhan; Keja Gulısar u Salihe Nasir Axa

Nikarîbû bi dilê xwe tiştek di nava wî de dilebitî Ev çi bû? Belkî evîn bû. Ma ev çawa evîn bû. Ne dengbêjan, ne dîlokvanan, ne şervanan behsa evînek wîsan kiribûn. Eşqa Kejê şewqek diavête qelbê wî. Ji qelb hezjêkirinek derdiket li temamê cîhanê belav dibû. Şev dibû roj, agir dibû nûr, neyartî dibû dostanî Ev hezjêkirin li ser milê bayê siwar dibû, ji vir diçû ser ewran, wek baranê dibû rehmet bi ser erdê de dirijiya Ev eşq pişt re diçû bin erş dibû sî li ser îns û cinan.