Durrû'l Mecalîs

Bêguman dîroka nivîsandina bi kurdî, berawird bi miletên din re di nav kurdan de dereng peyda bûye, beşeke ji wan kesên ku dîroknivîsên kurdî bûne rojhilatnas in. Weke miletekî Misilman ê nav rojhilatê, dîroka zanist û zanyarîya kurdan hindik hatîye nivîsîn, bi taybet ewên ku bi zimanê kurdî hatine nivîsandin. Çunke ji bo mudeteke zêde zimanê ‘erebî, farisî û tirkî li ser zimanê kurdî desthelatlatdar bûne. Di vê bîyavê da di nav edebîyata kurmancî da, piştî Melayê Cizîrî û Ehmedê Xanî, beşeke zêde ya destxetên kurdî bi arîkarîya Mela Mehmûdê Bazidî ji layê Aleksander Jaba ve di nîvê duyem ê sedsala 19an da careke din hatine nivîsandin. Di nav wan destxetan da navê kesekî bi navê Mela Mûsayê Hekarî derbas dibe, ku pirtûka Durrû’l-Mecalis ji farisî wergerandîye. Ew pirtûk 58 çîrokan di nav xwe da dihewîne. Çîrok jî cur bi cur in in; ji çîrokên dînî heta bi yên dîrokî û efsaneyî û herêmî li xwe girtine. Bi devokeke rêk û zelal a Hekarîyê hatine wergerandin.