Dîroka Hedîsê

Di dîroka Îslama Pîroz de, gotin û kirinên Hz. Pêxember (s.x.l.) pir bi rûmet û girîng in. Lewra li gor nîşanîya gotin û kirinê Hz. Pêxember (s.x.l.) pîştî Qurana Pîroz bingeh û çavkaniya duyemîn hatiye pejirandin. Rûmetiya Hz. Pêxember (s.x.l.) di Qurana Pîroz de jî hatiye diyarkirin. Ji ber vê girîngiya hanê hedîs û sunnetê Hz. Pêxember (s.x.l.) di dîroka Îslamê de xweyî cihekî bi taybet e. Ji ber van xalên Sehâbiyên û ulemayê Îslamê bi roj, şev, em û salan rivayeta Hz. Pêxember (s.x.l.) li hev kom kirine, da vê mîrateya olî (mîrasa dînî) mayînde bikin.Di vê berhema ku di destê we de bi cîh girtiye, dîroka hedîsê, bi rêbazekî akademîk û sistematîk bi zimanê Kurdî (bi zaravaya Kurmancî) hatiye lêkolîn kirin. Di vê berhemê de peyvayê ku hedîs têda derbas bûye bi hûrgulî hatiye berçav kirin û nirxandin. Her wiha ev pirtûka yekemînê berhema ku di dîroka hedîsê de bi tîpê latînî bi Kurdî hatiye nivîsandin e.Di vê xebatê de hat îsbatkirin ku ji serdema Hicrî ya yekem heta roja me ya îroyîn, parastina sunnetê wek peywireke olî û zanistî hatiye meşandin. Her hewldan manderkirina hedîsê, li hemberî vê sîstema zexm puç bûye. Lewra ‘ilmên hedîsê, bi rêbazên xwe yên taybet ên bê hempa; rastiya û derewan bi awayekî serkeftî ji hev cuda dike. Ev xebat nişan dide ku alimên bi kedên xwe yên zêrîn, nehiştine ronahiya sunnetê were vemirandin...Sunnet, ronahiya xwe ji Îslama Pîroz digire; Îslama Pîroz jî her tim bi ronahiye...