Bîşenga Deşta Dûr

Kawa Nemir - Helbestkar, wergêr, nivîskar û edîtor. Di sala 1975an de, li Îdirê ji dayîk bû. Li Zankoya Hacettepeya Enqereyê û li Zankoya Stenbolê demekê Ziman û Wêjeya Îngilîzî xwend. Piştî ku di para Ziman û Wêjeya Yewnaniya Kevin a heman zankoyê de du salan xwend. Edîtoriya kovara mehane ya bi navê Jiyana Rewşen a çandî, hunerî û wêjeyî kir, di pey re jî, edîtoriya kovara Rewşen-Nameyê. Di sala 2003yan de, weşanxaneyeke bi navê Bajar damezirand. Wî heya roja îro birrek helbestkar, çîroknûs û şanonûsên bijarte yên ji wêje û şanoya Îngilîz, Emerîkan, Îrlandî û Tirk kiriye malê zimanê Kurdî. Bi tenê ji Îngilîzî bo Kurdî ji 5000î zêdetir helbest wergerandiye Kurmancî. Pirraniya dema xwe, xerîkî xebatên li ser helbestê, dîroka wêjeyê û wergerê ye. Niha di Weşanxaneya Lîsê de edîtorê rêza Romana Kurdî û Klasîkên Cîhanê ye. Pirtûkên wî yên çapbûyî: 1-Gilgamêş û Çend Mythosên Din, mîtolojî, werger, Weşanên Jiyana Rewşenê, 2000 2-Mirin Niqutî Dilê Firokevanekî Îrlandî, William Butler Yeats, helbest, werger, Weşanên Sî, 2002 3-Selpakfiroş, Helbest, Weşanên Rewşen-Nameyê, 2003 4-Pêşengno! Lo Pêşengno!, Walt Whitman, helbest, werger, Weşanên Bajar, 2004 5-Welatê Bejî û Deh Koroyên The Rockê, T. S. Eliot, helbest, werger, Weşanên Bajar, 2004 6-Ji Çîn û Maçînê + Hemû Berhemên Helbestî yên T. E. Hulme, Ezra Pound & T. E. Hulme, Helbest, werger, Weşanên Bajar, 2005 7-Sisli Şehir, Jan Dost, roman, werger, Weşanên Beybûn, 2006 8-Bîşenga Deşta Dûr, Helbest, Weşanên Lîs, 2006 9-Pûşpera Gêlazan/Kirazların Haziranı, Mehmet Çetin, helbest, wergera wê li gel Lal Laleş, Weşanên Lîs, Rêbendan 2008 10- Salname, Helbest, Weşanên Lîs, 2009